An Soke Shagulgula, Hawan Sallah A Katsina

Mai martaba Sarkin Katsina Alhaji Abdulmumini Kabir Usman ya tabbatar da soke yin shagulgula da kuma hawan Sallar da aka saba yi a lokacin karamar Sallah.

Sarkin Katsina ya bayyana hakan ne a cikin wata takarda mai dauke da sa hannun Sakataren masarautar Alhaji Bello M Ifo, Sarkin yakin Katsina da aka rabawa manema labarai.

Ssrkin Katsina ya ce saboda irin iftila’in da ake fama da shi na kashe kashe da Sace sacen jama’a ya zama dole a soke wannan hawan Sallah a halin yanzu a maye gurbinsa da gudanar da addu’o’in neman taimakon Allah game da wannan matsalar.

“Bisa shawarwarin da muka samu daga Gwamnati,jami’an tsaro da kuma ma’aikatar lafiya ta Jiha ya Sanya a halin yanzu qn Soke yin hawan Sallah da shagulgulan da aka saba yi a duk lokacin karamar Sallah”, in ji takardar.