Honarabul Abubakar Yahya Kusada Ya Gabatar Da Kudirori 3 Gaban Majalisar Wakilai  

Imrana Abdullahi

Injiniyan Zanen taswirar Gine Gine  tare da kididdiga Honarabul Abubakar Yahya Kusada mniqs, CIPA, dan majalisa mai wakiltar kananan hukumomin Kankiya,Ingawa da Kusada a majalisar wakilai ta tarayya ya gabatar da kudirori uku gaban majalisar yana bukatar su zama dokar kasa.

Kudirorin da ya gabatar suna da lamba kamar haka HB 1123, 1124 da kuma 1125 kamar dai yadda aka lissafa su a kasa

Kudiri na daya shi ne a kan inganta hukumar muhalli ta kasa mai lamba ( HB 1123 ) kamar yadda dan majalisa Abubakar Yahya Kusada ya gabatar ya tsallake karatu na farko.

Sai kudiri na biyu shi ne sake samar da ingantacciyar doka a game da hukumar kula da asibitoci mai lamba ( HB 1124 ) kamar yadda dan majalisa Abubakar Yahya Kusada ya gabatar kuma ita ma ta tsallake karatu na farko.

Sai kuma kokarin samar da doka a kan a game da hukumar makamashi ta kasa ita ma mai lamba ( HB 1125 ) kamar yadda dan majalisa Abubakar Yahya Kusada ya gabatar duk nan ma ta tsallake karatun farko a gaban majalisar dokokin tarayya.

Wadannan kudirori duk an gabatar da su a gaban majalisar wakilai ta tarayya a ranar Talata 1 ha watan Disamba, 2020 a lokacin zaman majalisar an kuma yi masu lamba kamar haka 10, 11 da 12 dukkansu sun tsallake karatun farko.