THESHIELD Garkuwa
Related Articles
Daga Imrana Abdullahi
Mataimaki na musamman ga Gwamnan Jihar Kaduna a kan harkokin addinai Shaikh Abdulrahman Zakariyya Usman, na ta ya daukacin al’ummar Musulmi na Jihar Kaduna da kasa baki daya murnar zagayowar ranar haihuwar fiyayyen halitta Annabi Muhammadu (S.A.W).
Abdulrahman Zakariyya Usman ya ci gaba da cewa a madadin Gwamnan Jihar Kaduna Malam Dokta Uba Sani da daukacin al’ummar Musulmin duniya murnar bukukuwan Maulidin Annabi Muhammadu (S.A.W) da fatan za a yi wa’azi ga jama’a a kan batutuwan da za su amfani kasa da al’ummarta baki daya.
Abdulrahman Zakariyya Usman ya kuma yi kira ga daukacin jama’a da a ci gaba da zama lafiya da kokarin taimakon Juna ta yadda hakan zai bayar da damar samun nasarar da kowa ke bukata.
“Muna yin kira da Musulmin jihar Kaduna da duniya baki daya a kan yin koyi da halayen Annabi Muhammadu (S.A.W) kamar yadda addinin musulunci ya tanada”.
Abdulrahman Zakariyya ya kuma yi addu’ar Allah ya maimaita mana na badin badada lafiya
