THESHIELD Garkuwa
Related Articles
Daga Imrana Abdullahi
Mataimakin shugaban majalisar dattawa, Sanata Barau Jibrin, ya jajantawa iyalan wadanda harin bam ya rutsa da su a kauyen Tudun Biri da ke karamar hukumar Igabi a jihar Kaduna ya shafa.
Da yake bayyana lamarin a matsayin abin takaici, Sanata Barau ya bi sahun masu kira da a gudanar da cikakken bincike a kan lamarin kamar yadda shugaban kasa Bola Ahmed Tinubu ya umarta.
Har ila yau a karanta: Harin Bam a Kaduna: Dandalin Musulunci ya bukaci a biya su diyya, a kuma hukunta masu laifi bayan kammala binciken.
A yayin da ya bukaci jami’an tsaro da su yi nazari sosai kan lamarin, ya kuma yi kira ga ‘yan uwan wadanda abin ya shafa da mutanen jihar Kaduna da su kwantar da hankalinsu.
A wata sanarwa da mai ba da shawara na musamman kan harkokin yada labarai Ismail Mudashir ya fitar.
Ya roki Allah ya jikan wadanda abin ya shafa ya ba su Jannatul Firdaus, ya kuma azurta iyalansu da ikon daukar wannan rashin da bashi da misali.
“A cikin wannan mawuyacin lokaci, na tsaya cikin hadin kai tare da iyalai da abin ya shafa da kuma daukacin al’umma. Ina tabbatar musu da kudurin da na dauka na tallafawa kokarin da zai hana sake afkuwar irin haka.
“Ina addu’ar samun sauki ga wadanda suka ji rauni wadanda a halin yanzu ke jinya,” in ji shi
