THESHIELD Garkuwa
Related Articles
Daga Imrana Abdullahi
Sanata Aliyu Magatakarda Wamakko ya dauki nauyin wadansu dalibai guda 30 da 22 suna karatu a jami’o’in Al-Hikmah da Crown Hill da ke Ilorin Jihar Kwara.
Wamakko wanda shi kansa kwararre ne a fannin ilimi, ya kuma sauke nauyin da ya rataya a wuyan wasu karin dalibai 17 da ke karatun kimiyyar na’ura mai kwakwalwa a cibiyar “Dialogue Computer Institute Kaduna” a Jihar Kaduna yayin da wasu dalibai 45 da ya dauki nauyin karatunsu ke karatun digiri daban-daban a jami’ar Lead City University, Ibadan, Jihar Oyo.
Wannan ci gaban na kunshe ne a cikin wata sanarwa da Almustapha Abubakar Alkali,Babban Sakatare na Ma’aikatar Ilimi ta Sakkwato ya raba wa manema labarai a karshen mako.
Alkali, wanda tsohon Daraktan mulki ne a ofishin Sanata Wamakko ya ce shugaban siyasar jihar da ba a taba ganin irinsa ba, kuma mai fatan al’umma shi ma ya dauki nauyin kashi na daya da na biyu na dalibai 54 kuma an dauki nauyin karatun digiri na biyu (Masters). Da digiri na uku (PhD) a fannonin karatu daban-daban a Kwalejin Tsaro ta Najeriya, Kaduna, Jihar Kaduna.
Yayin da dalibai marasa galihu 15 Sanatan ya dauki nauyin karatun diflomarsu a cibiyar albarkatun ruwa ta kasa Mando, Kaduna, jihar Kaduna.
Haka kuma a cikin wadanda Wamakko ya dauki nauyin karatunsu akwai dalibai 80 da ke neman NCE a Kwalejin BIGA da ke Sakkwato da sauran cibiyoyin karatu a ciki da wajen Najeriya.
Alkalin ya yi nuni da cewa, “Duk wadannan gaggarumin ci gaban da Sanata Aliyu Magatakarda Wamakko ya yi na daga cikin burinsa na ganin ‘ya’yan marasa galihu a cikin al’umma musamman a jihar Sakkwato suna gogayya da takwarorinsu a wasu jihohin kasar nan.
Wamakko, ya dade yana daukar nauyin yara marasa galihu da dama daga jihar da sauran su don kawai a basu kayan aiki domin su kasance masu dogaro da kai a cikin al’umma kuma a matsayin masu dogaro da kai don samar da ingantacciyar Najeriya.
Abin sha’awa shi ne yadda Wamakko ya nuna sha’awar ilimi ya jawo sha’awar kafa jami’a mai zaman kanta mafi arha kuma ta farko a Jihar Sakkwato “NORTH WEST UNIVERSITY, SOKOTO” don Ilimi, Ci gaba da Nazari.
Jami’ar ta riga ta fara kalandar ilimi don shirye-shiryen digiri daban-daban a darussan kimiyya.
Jami’ar tana ɗaya daga cikin mafi arha cibiyoyi dangane da kuɗin makaranta kuma tana da matukar dacewa wajen maraba da duk ɗalibai nagari, masu himma da ƙwazo.
