THESHIELD Garkuwa
Related Articles
Daga Imrana Abdullahi
Alhaji Murtala da ake yi wa lakabi da “Mr Bon” mataimakin shugaba ne a yankin Arewa ta tsakiya na kungiyar NASWDEN wanda kuma aka yi wa kyautar “Super Agent”da kegudanar da sanarsa a Kaduna, Abuja, Neja da Kano ya bayyana cewa babban burinsu shi ne daga darajar sana’arsu da martaba kansu da dukkan abokan hulda da nufin samar da ci gaban kasa da na al’umma baki daya.
Murtala ya bayyana hakan ne a wajen babban taron kungiyar NASWDEN da aka yi a Kaduna.
Ya bayyana cewa a cikin kungiyarsu baki daya ba wani wanda yake zauna gari kawai kowa kokari yake yi ya samarwa kansa da abin yi ta yadda za a samu nasarar da kowa ke bukata, don haka a cikin kungiyarsu ba wani mutumin banza ko daya.
“A cikin kungiyar mu akwai Sarakuna,Yan Sanda da masu iko da yawa, kai shugaban tsaro ma na Najeriya baki daya shi ne Uban kunguyar NASWDEN hakan na kara fito da martabar masu wannan sana’ar kuma babu wasu maganganu sabanin hakan da za a rika yadawa sai ci gaba da samun nasara tare da inganta tattalin arzikin kasa da na jama’a”.
Alhaji Murtala ya kuma ce akwai wani kalubalen da suke kokarin a ba su amsa a kansa a cikin Najeriya, “ina banda Gwamnati muna son a nuna mana wata sana’a kwaya daya da ta fi sana’ar Bola ba matasa aikin yi a Najeriya har yanzu muna jiran amsa ba mu same ta ba.Mu a iya tunanin mu babu ne saboda da akwai da an samu amsar tun da dadewa.
“Muna yi wa Allah godiya cewa manyan da muka samu a cikin wannan sana’ar kamar Alhaji Sani Jakara, hakuri suka yi suka daure har Allah ya kawo matsayin da kan mutane ya waye a game da wannan sana’ar har a yanzu kuma ace kiransu masu martaba don haka lallai hakuri zai iya yin maganin komai”.
