THESHIELD Garkuwa
Related Articles
Daga Imrana Abdullahi
“Za mu tsara ma’aikatar ta hanyar da za mu iya canza labarin su waye ‘yan Najeriya. Ba za a sake kiran mu a matsayin babban birnin 419 a duniya ba!”
Sabuwar Ministar ma’aikatar da ke kula wa da harkokin fasahar zane-zane, al’adu da tattalin arziki, a tarayyar Najeriya Barista Hannatu Musawa ta lashi takobin ganin ta tsara ma’aikatar da shugaba Bola Ahmad Tinubu ya kai ta domin kara inganta kyakkyawan sunan da kasar keda shi a duniya.
Sabuwar ministar fasaha, al’adu da tattalin arziki na ƙirƙira, Hannatu Musawa, ta yi alƙawarin sabunta martabar ƙasar a fagen duniya.
A yayin da take magana a wata ziyarar da ta kai Jihar Katsina a ranar Alhamis, Musawa ta bayyana fatanta na cewa ba za a sake kiran kasar da sunan wani wurin yan daffarar ‘419’ ba
“Za mu tsara ma’aikatar ta hanyar da za mu iya canza labarin ko su wanene ‘yan Najeriya. Ba za a ƙara sanin mu a matsayin babban birnin 419 a duniya ba!”
“Ta hanyar wannan ma’aikatar, za mu iya tura labarin da zai sanya Najeriya a gaba ba wai nishadi kadai ba har ma da al’adu domin kasa ce mai al’adu iri-iri kuma abu ne da ya kamata mu kare.”
Ministar wanda ta godewa ‘yan Najeriya kan hakurin da suka yi, ta yi kira gare su da su ci gaba da marawa gwamnatin Tinubu baya.
“Na yi niyyar yin amfani da mafi kyawun hannu da kuma tuntuɓar ‘yan Nijeriya mazauna ƙasashen waje a fannoni daban-daban da suka kware a kai da kuma jawo hankalinsu su dawo Nijeriya su sa hannu a ƙoƙarin ƙaura zuwa duniya don kawo sauyi mai kyau.
“Ta wannan hanyar, za mu kuma sami damar gina manyan kudaden shiga don tallafawa gwamnatin Tinubu saboda ina da gogewar da ake bukata.
“Wannan ma’aikatar, daga mako mai zuwa, za mu fitar da jaddawalin da za mu iya baiwa ‘yan Nijeriya ra’ayin irin ayyukan da muke son yi.
“Za mu buga kasa da gudu. Ina godiya ga ’yan Najeriya bisa juriya da hakurin da suka nuna, ina rokon su da su mara wa Shugaba Bola Ahmed Tinubu da mataimakinsa, Kashim Shettima baya, yayin da suke kokarin aiwatar da wannan aiki da kuma aiwatar da shirin aiki.
“Ya kamata ‘yan Najeriya su ba su tallafin da ya dace. Da irin aikin da shugaban kasa da mataimakinsa suke da shi, ana bukatar dan hakuri daga ‘yan Najeriya
Musawa ya ci gaba da cewa “Suna da taswirar hanya da za ta kawo sauyi ga kasar da kuma daukaka ta zuwa ingantacciyar kasa.”
