El-Rufai Ya Karya Dokar Sallamar Ma’aikata Da Masu Zaman Haka Kawai – RATTAWU

Mustapha Imrana Abdullahi

Shugaban kungiyar masu aiki a kafafen yada labarai, dirama da wasan kwaikwayo na tarayyar Nijeriya Kwamared Dokta Kabir Garba Tsanni ya bayyana Gwamnan Jihar Kaduna Nasiru Ahmad El- Rufa’i a matsayin mutumin da ya yi dokar Sallamar ma’aikata karan tsaye sakamakon son zuciyarsa kawai.

Kwamared Dokta Kabir Garba Tsanni ya bayyana hakan ne lokacin da yake ganawa da manema labarai Kaduna.

“Hakika El- rufa’i ya taka dokar aikin kwadago game da sallamar ma’aikata da masu zaman haka kawai, saboda haka babu wanda zai amince da hakan”, inji shugaban RATTAWU na kasa.