THESHIELD Garkuwa
Related Articles
Daga Imrana Abdullahi
Mataimakin shugaban kasa Kashim Shettima ya nada Dokta Hakeem Baba Ahmed a matsayin mai ba shi shawara na musamman kan harkokin siyasa.
Dokta Hakeem ya fito daga Zariya ne a jihar Kaduna kuma dangi daya da Yusuf Datti dan takarar mataimakin shugaban kasa a jam’iyyar yar kwadago ta Lebo.
Ya kasance mai yawan sukar gwamnatin APC tsawon shekarun da suka gabata.
.
An bayyana nadin Baba-Ahmed ne a ranar Litinin, 18 ga watan Satumba, ta hanyar wani sako da ya wallafa a dandalin sada zumunta na X, a baya inda ya rubuta kamar haka.
“Lokaci ya yi da zan bayyana wa jama’a cewa na karɓi kiran na zama mai ba da shawara na musamman kan harkokin (siyasa) ga mataimakin shugaban kasa Kashim Shettima.
“Wannan ba lokacin zama na shinge ko suka ba ne lokacin da za ku iya zama masu amfani wajen juya kasar. Ana girmama ni da kaskantar da kai. Don Allah a yi min addu’a da Nijeriya”.
Nadin Baba-Ahmed dai na iya tayar da kura domin shi kane ne ga Yusuf Datti Baba-Ahmed, abokin takarar shugaban kasa na jam’iyyar Labour Party, Peter Obi, babban abokin hamayyar jam’iyyar All Progressives Congress (APC) da kuma shugaban kasa Bola Ahmed Tinubu.
Wannan dai shi ne mutum na biyu da fadar shugaban kasa ke farautowa daga sansanin Yusuf Datti bayan nada Farfesa Tahir Mamman a matsayin ministan ilimi.
Farfesa Mamman, kafin nadin nasa, ya kasance mataimakin shugaban jami’ar Baze da ke Abuja, wadda Yusuf Datti ya mallaka.
