Yan Majalisar Tarayya Daga Arewacin Nijeriya Sun Tattauna A Kan Samo Hanyoyin Magance Matsalar Tsaro – Sani Jaji

Bashir Bello Majalisar Abuja

Alhaji Aminu Sani Jaji dan majalisar wakilai ta tarayya ne daga Jihar Zamfara ya bayyana cewa sun zauna ne tare da daukacin yan majalisar yankin Arewa maso Yammacin kasar domin tattauna batutuwan da ke addabar yankin musamman a fannin tsaro da nufin lalubo hanyoyin magance su.

Ya bayyana hakan ne jim kadan bayan kammala gagarumin taron da yan majalisar tarayya na yankin suka gudanar a Abuja.

“Mun zauna domin tattauna wa a kan ainihin batutuwan da ke addabar yankin mu musamman wannan matsala ta tsaro da nufin samo hanyoyin magance su baki daya