THESHIELD Garkuwa
Related Articles
Daga Imrana Abdullahi
Domin cike gibin gidaje da ake fama da shi na kalubalen gidaje , gwamnatin jihar Kaduna karkashin jagorancin Uba Sani ta ce za ta samar da rukunin gidaje 10,000 a fadin kananan hukumomin jihar 23 nan da shekaru hudu masu zuwa.
Babban sakataren ma’aikatar gidaje da raya birane ta jihar Kaduna, Malam Rabi’u Yunusa ne ya bayyana haka a ranar Litinin a wajen taron majalisar kasa da gidaje da raya birane karo na 12 da aka gudanar a Kaduna.
Taron ya kasance takensa: ‘Karfafa tsare-tsare na rance na gida da na kasa da kasa a matsayin mafita don bunkasa ababen more rayuwa na gidaje masu arha a karkashin shirin fatan alheri.’
A cewar babban sakataren, gwamnatin Sanata Uba Sani a jihar ta fito da tsare-tsare na raya kasa don samar wa talakawa gidaje a karkashin shirinta na sabunta birane.
