THESHIELD Garkuwa
Related Articles
Bashir Bello Majalisa Abuja
Sanata Abdultahman Kawu Sumai’la ya bayyana bukatar da ake da ita ga yan Najeriya da su rika Sanya kishin kasa da tsoron Allah a cikin zukaransu a wajen aiwatar da dukkan komai da nufin ci gaban kasa da kowa ke bukata.
Sanata Kawu Sumai’la ya bayyana hakan ne a lokacin da yake ganawa da manema labarai a Abuja, inda ya ce komai za a canza ko a yi da zarar babu shi har cikin zukatan yan kasa da kowa zai kudiri aniyar alkairi lallai lamarin ba inda za a je koda kuwa an canza taken Najeria kamar yadda aka yi a halin yanzu.
Kawu Sumaila ya ci gaba da bayanin cewa abin da aka yi na canza taken Najeriya aiki ne a majalisa da aka kawo kudiri kuma majalisar ta amince bayan an bi dukkan matakan da ya dace a bi, saboda an ga shi ne ya fi cika da inganci a kan taken kasa da ake rerawa a yanzu don haka ana fatan Allah madaukakin sarki ya ci gaba da yi mana jagora a koda yaushe”.
