THESHIELD Garkuwa
Related Articles
Wata sabuwar kungiya mai rajin samun hadin kan Gwamnatin jihar Kaduna wato ( New Kaduna United) ta Karrama shugaban ma’aikatan Gwamnatin Jihar Kaduna da babbar Lambar karramawa sakamakon aiki tukuru da tsoron Allah.
Ita dai wannan kungiya mai rajin samun hadin kan jama’a ta Karrama shugaban ma’aikatan gidan Gwamnatin ne Alhaji Sani Liman Kila a gidan gwamnati na Sa Kashim Ibrahim Kaduna.
A lokacin da suke gabatar da lambar karramawar shugaban kungiyar Yahaya Goje ya ce sun lura ne da irin kokari da aiki tukuru da Shugaban ma’aikatan gidan Gwamnatin yake da shi ne ya ba su kwarin Gwiwar ba shi wannan Lambar domin karramawa wanda kowa ya san irin jajircewar da ake yi tun lokacin da aka kafa wannan Gwamnati ta sau kan madafun iko.
Sai ya bayyana cewa aiki tukuru shugaban ma’aikatan a wajen tafiyar da aiki wannan ne ya Sanya ita wannan kungiyar ta bijiro da bashi lambar yabon domin a Karrama shi.
Da yake gabatar da nasa jawabin shugaban ma’aikatan gidan Gwamnatin Alhaji Sani Liman Kila godiya ya yi wa wannan kungiya da ta ga dacewar sa har ta ba shi wannan babbar lambar karramawa, sai ya yi alkawarin cewa zai ci gaba da yi wa Jihar aiki da nufin kwalliya ta biya kudin sabulu.
Ya kuma yi alkawarin taimakawa wannan kungiya kuma ya yi alkawarin yin tafiya tare da kungiyar a dukkan al’amuran Jihar Kaduna.
