Tuni dai gwamnatin kasar karkashin jagorancin shugaban Issoufou Mahamadou ta mika sakon ta’aziyarta ga ‘yan kasar da iyalan tsohon shugaban kasar tare da ayyana kwanaki uku na zaman makoki.

Malan Tandja Mamadou dai ya jagorancin kasar jamhuriyar Nijar din ne na tsawon shekaru goma (10) daga shekarar 1999 zuwa Watan Febarairun 2010 lokacin da sojojin kasar suka yi mishi juyin mulki biyo bayan kwaskware kundin tsarin mulkin kasar domin samun damar ci gaba da mulki.