Yan bindiga Sun Bindige Direban Sarkin Birnin Gwari Mai Suna Nasiru

Bayanan da muke samu daga Jihar Kaduna na cewa yan bindiga sun halaka daya daga cikin Direban Sarkin Birnin Gwari Alhaji Zubairu Jibril mai Gwari na biyu, mai suna Nasiru.

Bayanan da muke samu daga wani daga cikin mataimakan mai martaba Sarkin na Birnin Gwari na cewa wannan Direban mai suna Nasiru ya gamu da ajalinsa ne da Yammacin yau Asabar a kan hanyarsa ta komawa Birnin Gwarin, sai yan bindigar suka budewa motar da yake tukawa wuta, motar dai irin wadda ke yi wa mai martaba jagora ce ko kuma rakiya mai suna ( Pilot)

A lokacin rubuta wannan labarin ana can ana kokarin yi wa marigayi Nasiru jana’iza.