Yan Majalisar Dattawa Sun Tattauna Yadda Za a Farfado Da Masana’antu – Uba Sani

Imrana Abdullahi

Ssnatan da ke wakiltar yankin kaduna ta tsakiya sanata Uba Sani ya bayyana cewa sun tattauna da wadansu wakilan kungiyar masu masana’antu da suka kai masu ziyara a ofishin shugaban majalisar Dattawa Alhaji Ahmed Lawan.

Sanata Uba Sani ya ci gaba da bayanin cewa sun dai tattauna a lokacin taron irin yadda za a hada hannu tsakanin majalisar da kungiyar masu masana’antu ta kasa domin a samu ci gaban da kowa ke bukata.

Za dai a iya cewa wannan yunkuri zai farantawa yan Nijeriya rai ganin irin yadda tsawon shekaru masana’antu a kasar suka durkushe ga kuma dimbin matasa maza da mata na gararambar neman aiki.