Home / Labarai / Honarabul  Isa Ashiru Kudan Ya Taimakawa Yan Sa Kai Na Yankin Keke

Honarabul  Isa Ashiru Kudan Ya Taimakawa Yan Sa Kai Na Yankin Keke

Dan takarar Gwamnan Jihar Kaduna a jam’iyyar PDP honarabul Isa Ashiru Kudan ya yi kira ga daukacin al’ummar Jihar Kaduna da su ci gaba da yin addu’o’in neman samun maganin matsalar tsaron da ke kara tabarbarewa a fadin Najeriya baki daya.
Isa Ashiru ya yi wannan kiran ne a lokacin da ya ziyarci Unguwar Keke tun bayan da yan bindiga suka yi awon gaba da mutane sama da 30 a kwanan nan.
Hon.Isa Ashiru ya ce Gwamnati mai ci a yanzu ta kasa aiwatar da aikin da ya rataye a wuyanta na tabbatar da tsaron lafiya da dukiyar jama’a, madadin hakan ta bari komai ya koma a hannun yan bindiga masu Garkuwa da mutane suna neman kudin fansa saboda haka ya zama wajibi ga jama’a da a ci gaba da yin addu’ar neman dauki daga Allah madaukakin Sarki.
 Bayanin hakan na kunshe ne a cikin wata takardar da ke dauke da sa hannun Yakubu Lere Daraktan yayata ayyukan Isa Ashiru da aka rabawa manema labarai.
Isa Ashiru ya bayyana tausayinsa ga al’ummar da abin ya shafa, inda ya yi fatan Allah ya dawo da wadanda aka sace cikin Aminci
Sai Isa Ashiru ya taimakawa da masu aikin sa kai  da kudi naira dubu dari biyu (250,000) da suke aiki a yankin domin su samu damar sayen kayan aikin da suke bukata.
Tun da farko da yake gabatar da jawabin maraba mai unguwa Alhaji Mutari Haruna, da ya barke da kuka yabawa godiya da Yabo ya yi ga Isa Ashiru da ya ziyarci su da ya bayyana da cewa hakan shi ne irinsa na farko da wani shugaba ya kawo masu tun da yan bindiga ke zuwa unguwar tasu.
Alhaji Muntari ya kara da cewa ya na wannan kukan ne domin da akwai wasu mutanen da abin ya shafa amma ba wanda ya damu ya zo domin jaje ko taimaka masu har wasu kuma na ficewa daga yankin .
Amma sai ga Isa Ashiru tare da tawagarsa ya zo domin jajanta masu, hakan ya nuna cewa shi mai tausayi ne da ya damu da jama’a.
Al’ummar yankin dai sun fito kwansu da kwarkwatarsu domin yi wa tawagar Isa Ashiru maraba, inda suka yi masa fatan alkairi da samun nasarar hidimar siyasar da aka Sanya a gaba.

About andiya

Check Also

Oil,Gas Deposits in Bauchi Will End Propaganda Against North – Eng Kailani

FROM OUR REPORTER    The Director Media and Publicity , Presidential Support Committee (PSC) on …

Leave a Reply

Your email address will not be published.