Mahaifin Tabuwal Ya Rasu Yana  Da Shekaru 96 A Duniya

Gwamna  Aminu Waziri Tambuwal na jihar Sakkwato ya yi rashin mahaifinsa wanda da ya shafe shekarru 96 a duniya, Shaikh Haruna Waziri Usman yaya ne ga mahaifin Gwamna Aminu Waziri Tambuwal.

 Muhammad Bello mashawarci ga gwamna a kan harkokin yada labarai ya fitar da sanarwar rasuwar wadda aka rabawa manema labarai a jihar Sakkwato ya ce Allah shi ne mallakin komai  da haka yake sanar da rasuwar mahaifinsa Shaikh Haruna Waziri Usman.

Ya ce Margayin ya rasu ne a gidansa da ke garin Tambuwal a ranar Alhamis yana da shekarru 96, a duniya.

Shehi shi ne jagoran darikar Tijjaniya a garin Tambuwal gaba daya, ya yi wa addinin Allah hidima sosai al’ummar  garin Tambuwal da jihar Sakkwato musamman mabiya darikar Tijjaniya sun yi rashin gwarzo mai son taimakawa addinin musulunci.