Batun Nadin Ibrahim Gambari Ban San Maganar Ba – Garba Shehu

Biyo bayan irin yadda ake ta yayatawa a kafafen Sada zumunta cewa wai shugaba Muhammadu Buhari na tarayyar Nijeriya ya nada Furofesa Ibrahim Gambari a matsayin shugaban ma’aikatan Ofishinsa.

Hakan ta sa aka tuntubi mai magana da yawun shugaban kasar Malam Garba Shehu inda manema labarai suka aika masa sakon tambaya a wayarsa ta hannu domin samun tabbacin labarin.

Sai Malam Garba Shehu ya mayar da sako cewa ” bani da labarin hakan, domin ba a yi mini bayanin komai ba”, inji Garba shehu.

Faruwar hakan dai ya biyo bayan rasuwar shugaban ma aikatan fadar shugaban kasar ne Malam ABBA Kyari.